Nemis keden qyzmeti málimetinshe, 39 jastaǵy Qazaqstan azamaty Gessenniń soltústiginde turǵan.
Germanıada Qazaqstannan shyqqan avtodılerdiń úıine tintý júrgizý barysynda krokodıldiń basy tabyldy, - dep habarlaıdy aqshamnews.kz Bild gazetine silteme jasap.
Ol sanksıalardy aınalyp ótip, Reseıge ondaǵan lúks-klasstaǵy avtokólik, motosıkl men kvadrosıkldi úshinshi elder, sonyń ishinde Qazaqstan arqyly jetkizgen. Eksporttyń jalpy quny shamamen 25 mıllıon eýroǵa baǵalanyp otyr.
"Kúdiktiniń turǵyn jáne komersıalyq ǵımarattaryna tintý júrgizý kezinde jalpy quny 1,3 mıllıon eýro bolatyn 21 kólik quraly, dopıngtik preparattar, tyıym salynǵan elektroshoker jáne sırek kezdesetin, qorǵalatyn túrge jatatyn qoltyraýynnyń basy tárkilendi", – delingen habarlamada.
Keden qyzmetiniń málimetinshe, er adam sanksıany shamamen 700 ret buzǵan bolýy múmkin.