Pavlodarlyq kásípkerdí óltírgení úshín kúdíktí Reseıden ekstradıtsıyalandy, - dep habarlaıdy aqshamnews.kz tílshísí.
Qazaqstan Respublıkasy Bas prokuraturasynyń qyzmetkerlerí pavlodarlyq kásípkerdí óltírdí degen kúdíkpen Qazaqstan azamatyn Reseı Federatsıyasynan ekstradıtsıyalady. Bıyl 21 aqpanda jábírlenushí jūmysqa ketíp, keıín baılanysqa shyǵuyn toqtatqan, osyǵan baılanysty ol habar-osharsyz joǵalǵan dep tanylǵan.
Sotaldy tergep-tekseru barysynda sol kúní kásípkerdíń Pavlodarda kúdíktímen onyń tūrǵyn úıíníń aulasynda kezdeskení anyqtaldy.
Qarjylaı kelíspeushílíkterge baılanysty olardyń arasynda janjal tuyndap, qaskúnem jábírlenushíníń keudesí men betíne 22 ret pyshaq sūqqan. Jábírlenushí sol jerde alǵan jaraqattarynan kóz jūmǵan.
Qylmystyń ízín jasyru maqsatynda kúdíktí marqūmnyń denesín jáne onyń avtokólígín garajyna jasyryp, keıín Qazaqstannan shyǵyp, shetelge qashyp ketken. Bıyl nauryzda ol Reseı Federatsıyasynyń aumaǵynda ūstalyp, Qazaqstan Respublıkasy Bas prokuraturasynyń sūrauy boıynsha elíne ekstradıtsıyalandy.
Qazír kúdíktí tergeu ızolyatoryna qamaldy.
Oǵan aıyp taǵylǵan qylmys boıynsha 8 jyldan 15 jylǵa deıíngí merzímge bas bostandyǵynan aıyru túríndegí jaza kózdelgen.
Keudesí men betíne 22 ret pyshaq sūqqan: Pavlodarda kásípkerdí óltírdí degen kúdíktí Reseıge qashyp ketken
