Májiliste Qazaqstanǵa Mońǵolıadan qansha adam qonys aýdarǵanyn aıtyldy, - dep habarlaıdy aqshamnews.kz tilshisi.
Búgin Májiliste «Qazaqstan Respýblıkasynyń Úkimeti men Mońǵolıa Úkimeti arasyndaǵy zeınetaqy salasyndaǵy yntymaqtastyq týraly kelisimdi ratıfıkasıalaý týraly» Qazaqstan Respýblıkasy Zańynyń jobasy boıynsha qorytyndysy oqyldy. Onda elge Mońǵolıadan kóshken qandastar týraly aıtyldy.
"İshki ister mınıstrliginiń derekterine sáıkes, qazir Qazaqstan aýmaǵynda Mońǵolıadan turaqty turý úshin qonys aýdarǵan shamamen 6600 azamat turady. Olardyń ishinde 6100-i – tarıhı otanyna oralǵan etnıkalyq qandastar. Eńbek jáne halyqty áleýmettik qorǵaý mınıstrliginiń aqparattyq júıelerindegi málimetter boıynsha, búgingi tańda Qazaqstanda, sonyń ishinde tarıhı otanyna oralǵan azamattardy qosa alǵanda, shamamen 1800 adamǵa zeınetaqy tólemderi taǵaıyndalǵan", - dedi eńbek jáne halyqty áleýmettik qorǵaý mınıstriniń mindetin atqarýshy Vıktorıa Shegaı.
Qazaqstan men Mońǵolıa arasyndaǵy zeınetaqy salasyndaǵy yntymaqtastyq týraly kelisim kúshine engen jaǵdaıda, eńbek ótilin qaıta esepteý shamamen 400 azamatty qamtıdy.
Sonymen qatar, bul ózgeristerdi iske asyrý úshin respýblıkalyq búdjetten qosymsha qarajat bólý talap etilmeıtini atap ótildi.