Aqmola oblysy Dońǵylaǵash aýylynda iri qaranyń neden qyrylǵany anyqtaldy, - dep habarlaıdy aqshamnews.kz tilshisi turkystan.kz-ke silteme jasap.
Aýyl sharýashylyǵy mınıstrligi Veterınarıalyq baqylaý jáne qadaǵalaý komıtetiniń Aqmola oblystyq aýmaqtyq ınspeksıasynyń basshysy Manat Abdrahmanovtyń málimetinshe, Zerendi aýdany Qonysbaı aýyldyq okrýgine qarasty Dońǵylaǵash aýylynda iri qara maldyń qyrylýyna qatysty jaǵdaı baqylaýda tur.
Zerthanalyq tekseris nátıjeleri boıynsha janýarlardan asa qaýipti juqpaly aýrýlar anyqtalmaǵan.
Maldyń qyrylýyna olardyń qaraýsyz jaıylyp, qoqys oryndaryna kirip, zıandy qaldyqtardy jeýi sebep bolǵan.
"Zerthanalyq taldaý kezinde synamalardan pestısıdter tabyldy. Dıagnoz - jem-shópten ýlaný. Jaqyn mańdaǵy aýyldarda jaǵdaı turaqty, osyndaı oqıǵalar tirkelgen joq", - delingen habarlamada.