Eýropalyq fýtbol qaýymdastyqtary odaǵy (ÝEFA) "Qaırat" qaqpashysy Temirlan Anarbekovtiń "Olımpıakosqa" qarsy machtegi eki seıvin Chempıondar lıgasynyń oıyn kúnindegi eń úzdik qutqarýlar qataryna qosty, - dep habarlaıdy aqshamnews.kz tilshisi.
22 jastaǵy qazaqstandyq qaqpashy grek klýbyna qarsy ótken oıynda segiz seıv jasady jáne ÝEFA-dan "Machtiń úzdik oıynshysy" marapatyn ıelendi.
Osy segiz seıvtiń ekeýi toǵyz kezdesý qorytyndysy boıynsha jasalǵan úzdik seıvter toptamasyna endi.
Temirlan Anarbekovten bólek, ÝEFA sonymen qatar "Bavarıaǵa" qarsy machte (3:1) "Sportıng" qaqpashysy Rýı Sılvanyń, "Tottenhemge" qarsy oıynda (3:0) chehıalyq "Slavıa" qaqpashysy Iındrjıh Stanektiń jáne belgıalyq "Iýnıonǵa" qarsy machte (2:3) "Marsel" qaqpashysy Heronımo Rýlıdiń seıvterin atap ótti.
Bul týraly ÝEFA Chempıondar lıgasynyń resmı Instagram-paraqshasynda da jarıalandy.
Eske sala keteıik, "Qaırat" – "Olımpıakos" kezdesýi qonaqtardyń paıdasyna 0:1 esebimen aıaqtaldy. Goldy portýgalıalyq Jelson Martınsh soqqan bolatyn.