Densaulyq saqtau vıtse-mınıstrí Ardaq Amangeldıev qyzmetínen kettí, - dep habarlaıdy aqshamnews.kz tílshísí.
Mán-jaıy
Vıtse-mınıstrdíń otstavkaǵa ketkení turaly aqparatty Densaulyq saqtau mınıstrlígí rastady.
"Ardaq Amangeldıev óz ótíníshí boıynsha atqaryp otyrǵan lauazymynan bosatu turaly aryz jazdy", – dep habarlady mınıstrlík.
Qazír onyń orny bos tūr.
Ardaq Amangeldıev turaly ne belgílí?
Ardaq Amangeldıev densaulyq saqtau vıtse-mınıstrí qyzmetíne 2024 jylǵy 9 shíldede taǵaıyndalǵan. Mınıstrlíkte ol qarjy salasyn qadaǵalady.
Amangeldıev – qarjy salasynda úlken tájírıbesí bar ekonomıst. Ár jyldary Qarjy mınıstrlígíníń Qazynashylyq komıtetí tóraǵasynyń orynbasary, qarjy vıtse-mınıstrí, AHQO basqarushy dırektory, Ūlttyq banktíń qolma-qol aqshalaı aınalym departamentí dırektorynyń orynbasary qyzmetterín atqarǵan.
Būǵan deıín, 2004 jylǵy sáuírden 2006 jylǵy jeltoqsanǵa deıín Ardaq Amangeldıev Densaulyq saqtau vıtse-mınıstrí qyzmetín uje atqarǵan bolatyn.