Su resurstary jáne ırrıgatsıya mınıstrí Nūrjan Nūrjígítov Qyzylorda oblysynyń dıqandarymen kezdestí. Bıyl óńírde 60 myń gektarǵa juyq egís alqaby lazermen tegísteldí, dep habarlaıdy aqshamnews.kz
Salystyrmaly túrde aıtsaq, byltyr 55 myń gektardy lazermen tegísteudíń nátıjesínde 200 mln tekshe metr su únemdelgen bolatyn. Al ortasha ónímdílík gektaryna 40-55 tsentnerden 70-80 tsentnerge deıín ūlǵaıdy.
Aıta ketsek, Úkímet auyl sharuashylyǵy kooperatıvteríníń lazermen tegístegíshterdí satyp alu shyǵyndaryn 50%-ǵa deıín subsıdıyalaıdy.
«Sízdermen eń alǵash kezdeskenímde bírneshe ūsynys aıtqan edíńízder. Ótíníshteríńíz boıynsha bíz kooperatıvterge arnalǵan subsıdıya mólsherín 25%-dan 50%-ǵa deıín ūlǵaıttyq. Osyǵan deıín subsıdıya egístík alqaby 200 gektardan asatyn sharuashylyqtarǵa ǵana tólenedí degen talap bar edí. Bíz Auyl sharuashylyǵy mınıstrlígímen bírlese otyryp, būl shekteudí de alyp tastadyq», - dedí Su resurstary jáne ırrıgatsıya mınıstrí Nūrjan Nūrjígítov.
Búgíngí tańda Qyzylorda oblysynda lazermen tegísteıtín 123 tehnıka bar. Būl 100 myń gektarǵa deıín egístík alqapty qamtuǵa múmkíndík beredí.
Bıyl aua raıynyń erekshelíkteríne baılanysty Qyzylorda oblysynda da suaru mausymy ádettegíden erterek bastaldy. Jauyn-shashyn bolmaǵandyqtan suarmaly suǵa sūranys ekí ese artyp otyr. Búgínde óńír dıqandaryn sumen qamtu úshín Shardara su qoımasynan sekundyna 600 tekshe metr su jíberílíp jatyr.
«Mınıstrlígímíz Prezıdenttíń tapsyrmasy boıynsha sudyń «kóleńkelí naryǵyn» joyu úshín mańyzdy sheshímder qabyldady. Endí «Qazsushar» fılıaldary kelísímshartqa otyrǵan sharua qojalyqtaryna ǵana su beredí. Zańsyz su aluǵa rūqsat joq. Jańa Su kodeksínde de osy máselege basa nazar audarylyp, jauapkershílík kúsheıtíldí. Qūjat 10 mausymnan bastap kúshíne enedí», - dedí vedomstvo basshysy.