Ulybrıtanıalyq dáriger Ámir Han 35 jastan keıin densaýlyqty saqtaýdyń bes tıimdi ári tegin tásilin atady, - dep habarlaıdy aqshamnews.kz tilshisi Daily Mirror basylymyna silteme jasap.
Hannyń aıtýynsha, uzaq ómir súrýdiń basty qaǵıdasy – tańerteń serýendeýdi ádetke aınaldyrý. Onyń sózinshe, kún sáýlesi sırkad yrǵaǵynyń durys jumys isteýine kómektesedi, kortızol deńgeıin tómendetedi, qýat beredi jáne tábet pen toq júrýge jaýapty gormondardyń deńgeıin turaqtandyrady.
Dáriger aıtqan ekinshi tegin paıdaly tásil jasýshalardy ottegimen jaqsyraq qamtamasyz etýge baǵyttalǵan. Mamannyń túsindirýinshe, jasy ulǵaıǵan saıyn aǵza ottegini burynǵydaı tıimdi paıdalana bermeıdi, sol sebepti tinder osy mańyzdy resýrsty tolyq ala almaı qalýy múmkin. Muny joǵary qarqyndy qysqa jattyǵýlarmen túzetýge bolady. Hannyń aıtýynsha, 35 jastan asqandarǵa sportzalǵa baryp, ábden sharshap jattyǵýdyń qajeti joq, kúni boıy bir-eki ret baspaldaqpen joǵary júgirip shyǵýdyń nemese tóbege qaraı jyldam kóterilýiniń ózi jetkilikti.
"Mańyzdysy – 20–40 sekýnd boıy júregińizdiń belsendi jumys istegenin seziný", – dep keńes berdi dáriger.
Budan bólek, Han 35 jastan keıin mezgil-mezgil arterıalyq qan qysymyn ólshep turýdy jáne býyndar men súıekterdiń saýlyǵyn saqtaý úshin fızıkalyq belsendilikti arttyrýdy usyndy.
"Tisińizdi bir aıaqpen turyp jýdy ádetke aınaldyryńyz. Bul qarapaıym jattyǵý qartaıǵanda tepe-teńdikti jaqsy ustaýǵa kómektesedi", – dedi ol.