2025 jylǵy 9 jeltoqsanda ISESKO-nyń bas dırektory Salım bın Mūhammed ál-Malık Túrkí mádenıetí jáne mūrasy qorynyń shtab-páteríne kelíp, ūıymnyń prezıdentí Aqtoty Raıymqūlovamen kezdestí.
Sapar barysynda ISESKO delegatsıyasyna Qordyń mádenı mūrany zertteu, saqtau jáne ílgeríletu baǵytynda júzege asyryp jatqan jobalary ūsynyldy. Ǵylymı yntymaqtastyqty keńeıtu jáne ınstıtutsıonaldyq seríktestíktí nyǵaıtu máselelerí talqylandy.
Kezdesu ayasynda taraptar 2026 jylǵa arnalǵan josparlarymen almasyp, ózara qyzyǵushylyq tudyratyn baǵyttardy jáne yntymaqtastyqtyń jańa perspektıvalaryn talqylady.
Kezdesudíń mańyzdy bólígí – Túrkí Mádenıetí jáne Mūrasy Qory men ISESKO arasyndaǵy Yntymaqtastyq turaly Memorandumǵa qol qoyu boldy. Būl qūjat taraptar arasyndaǵy tarıhı seríktestíktíń jańa kezeńín ashady.
Memorandumǵa Qor prezıdentí Aqtoty Raıymqūlova men ISESKO bas dırektory Salım bın Mūhammed ál-Malık qol qoıdy.
Qūjat túrkí-ıslam mádenı mūrasyn halyqaralyq deńgeıde ílgeríletudí, mádenı mūra obektílerín zertteu, tsıfrlandyru jáne saqtauda jańa ǵylymı tásílderdí engízudí, sondaı-aq mamandar arasyndaǵy tájírıbe almasudy kúsheıtudí kózdeıdí.
Būl mańyzdy qūjat mádenı mūrany saqtau salasyndaǵy jańa kezeńníń bastauy retínde baǵalanyp, taraptar arasyndaǵy tıímdí yntymaqtastyqty odan árí nyǵaıtuǵa yqpal etedí.
Kezdesu sońynda ISESKO bas dırektory Salım bın Mūhammed ál-Malık Qordyń Qūrmettí qonaqtar kítabyna ízgí lebízderín qaldyrdy.
Kezdesuge ISESKO delegatsıyasynyń basqa da múshelerí qatysty: ISESKO-nyń seríktestík jáne halyqaralyq yntymaqtastyq sektorynyń jetekshísí Anar Kárímov, ISESKO-nyń Baku óńírlík keńsesíníń dırektory Abdulhakım ál-Senan, Baku óńírlík keńsesí dırektorynyń orynbasary Marıyam Gafarzade, Ázerbaıjan Respublıkasynyń ISESKO ísterí jóníndegí Ūlttyq komıssıyasynyń hatshysy Alekper Hydyrov.
Búgíngí ótken joǵary deńgeıdegí kezdesu Qor men ISESKO arasyndaǵy halyqaralyq mádenı mūrany qorǵau jáne damytu salasyndaǵy yntymaqtastyqtyń odan árí tereńdeuíne jańa serpín berdí.
Sapar ayasynda mádenı baǵdarlama ūsynyldy.