2026 jyldyń ayaǵyna deıín №2 jylu elektr ortalyǵyn tabıǵı gazǵa kóshíru, al keıín №3 JEO-ny bu-gaz tehnologıyasymen jańǵyrtu nátıjesínde Almatydaǵy jylu kózderínen shyǵatyn zıyandy zattar 92 paıyz azayady, - dep habarlaıdy aqshamnews.kz tílshísí.
Būl turaly búgín qala ákímí Darhan Satybaldy máslıhat otyrysynda aıtty.
"Qaladaǵy ekologıyalyq jaǵdaıdy jaqsartu maqsatynda №2 jylu elektr ortalyǵy 2026 jyldyń sońyna deıín tolyqtaı tabıǵı gazǵa kóshíríledí. Kelesí kezeńde №3 jylu elektr ortalyǵyn bu-gaz tehnologıyasyna kóshíru arqyly qaıta jańǵyrtu josparlanǵan", - dedí ákím.
Ákímdíktíń málímetínshe, būl sharalar jylu kózderínen shyǵatyn zıyandy shyǵaryndylardy 92 paıyzǵa deıín qysqartuǵa múmkíndík beredí. Sonymen qatar, jeke sektordy gazdandyru deńgeıí qazírdíń ózínde 99,6 paıyzǵa jetíp, 2027 jylǵa deıín ony 100 paıyzǵa jetkízu kózdelíp otyr.