9 jeltoqsanda saǵat 22:30-da Almatyda bastalǵan jauyn-shashyn tún jarymda qalyń qarǵa ūlasty. 10 jeltoqsan saǵat 07:00-degí málímet boıynsha qardyń qalyńdyǵy 35 santımetrge jettí. Būl aılyq normanyń jartysyna juyǵy. Mūny Almaty qalasynyń Kommunaldyq ınfraqūrylym jáne tūrǵyn úı ınspektsıyasy basqarmasynyń ókílderí habarlady.
Kólík qozǵalysynyń úzdíksízdígín qamtamasyz etu jáne tūrǵyndardyń qauípsíz júríp-tūruyna jaǵdaı jasau maqsatynda kommunaldyq qyzmet kúsheıtílgen jūmys tártíbíne auystyryldy.
Vedomstvonyń deregínshe, qaladaǵy qar kúreu jūmystaryna 2 728 jūmysshy men 75 jedel brıgada jūmyldyrylǵan. Qala joldaryna 1 000-nan astam arnaıy tehnıka shyǵaryldy, onyń íshínde kóktaıǵaqty boldyrmau úshín arnaıy qospa sebetín 228 qūrama jol mashınasy bar. Kolonnalardyń qozǵalysyn qamtamasyz etu úshín 22 polıtsıya ekıpajy, sondaı-aq 10 evakuator men manıpulyator tartylǵan.
Mamandardyń aıtuynsha, saǵat 04:00-ten bastap magıstraldar men audandyq kóshelerdí tazalaıtyn 21 kolonna jūmysqa kírístí. Sonymen qatar trotuar, ayaldama men júrgínshíler aumaǵy kúrelíp jatyr. Saǵat 05:00-de 37 jeke merdíger ūıymnyń 1 790 jūmysshysy men 256 tehnıkasy aulalardy tazalau jūmystaryna jūmyldyryldy.
Būǵan qosa, qalada jol men kósheníń jaǵdaıyn baqylau úshín táulík boıy kezekshílík qoıylǵan. Barlyq kommunaldyq qyzmet qar tolyq tazalaǵanǵa deıín kúsheıtílgen rejımde jūmysyn jalǵastyra beredí.