Aqtóbede suǵa ketíp ólgen oqushynyń ata-anasy ūlynyń kísí qolynan qaza tapqanyna senímdí. Sebebí marqūmnyń denesínde soqqy ízderí boldy deıdí qara jamylǵan otbasy. 17 jastaǵy jasósípírímmen bírge kóz jūmǵan marqūmnyń tuystary da jūmbaq ólímge kúdíkpen qaraıdy, - dep habarlaıdy aqshamnews.kz tílshísí "KTK" telearnasyna sílteme jasap.
"Balamdy eshkím maǵan qaıtaryp bere almaıdy. Ony jaqsy bílemín. Degenmen balamnyń kísí qolynan qaza tapqanyn dáleldeuím kerek. Balam ózí, ekí adam bírdeı suǵa sekíríp ketíp, ekí adam bírdeı oqys jaǵdaı boldy degenge sene almaımyn. Ana júregím senbeıdí", - deıdí Aıgúl Kereeva.
11-synypta oqyǵan Islamnyń anasy tergeudíń jan-jaqty júrgízílgenín talap etíp otyr. Denesí sudan tabylǵan balasynyń máıítín ashyp qaraǵanda, jaqyndary shoshyp ketken. Marqūm auyr soqqy alyp, óler aldynda bíreu qorlaǵan dep otyr. Sebebí, mūryny tesílíp, qūlaq shekesínen bastap, júrek tūsy, qabyrǵalary túgel kógergen. Tízesín temírmen ūrǵandaı daq qalǵan deıdí. Oqushy óler kúní tún jarymyna deıín monshada jūmysta bolǵan. Ony qara kólík alyp ketkení beınekameraǵa túsíp qalypty. Keıín sol kólíktí tízgíndegen, ózínen on jas úlken tūrǵyn ekeuíníń ólí denesí Elek ózenínen tabyldy. 27 jastaǵy jígíttí oqushymen ne baılanystyrǵanyn marqūmnyń tuystary túsíne almaı otyr. Bíraq onyń denesínen eshbír zombylyq ízí baıqalmapty.
"Ekí bala būryn bírín-bírí tanymaıtyn. Tanysa, bíz bíluímíz kerek edí. Iá, olardyń otbasy bílu kerek edí. Bír-bírímen kezdesse, astyndaǵy mashınasyn bílu kerek edí. Endí ol múmkín emes jaǵdaı, ekí jaqqa da jūmbaq. Būlardy ne baılanystyrdy? Jasy da sáıkes kelmeıdí. Būryn joldas boldy, dos boldy deıtíndeı", - deıdí Samat Qalıev,