Qazaqstan azamattarynyń baspana qoljetimdiligi men memlekettik qoldaýǵa qatysty pikiri týraly jańa zertteý nátıjeleri jarıalandy. Ulttyq statısıka búrosy júrgizgen saýalnamaǵa sáıkes, respondentterdiń tek 25%-y óz qarajatymen turǵyn úı satyp alýǵa múmkindigi bar ekenin málimdegen, dep habarlaıdy aqshamnews.kz.
2023 jylmen salystyrǵanda bul kórsetkish 20,5%-dan 25%-ǵa ósken. Sarapshylardyń aıtýynsha, turǵyn úıdi óz kúshimen satyp alýǵa degen senim birtindep artqanymen, azamattardyń kópshiligi áli de baspana máselesinde qıyndyqtarǵa tap bolýda.
Saýalnama nátıjeleri:
Baspana qoljetimdiligine tolyq qanaǵattanǵandar – 25%;
Jartylaı qanaǵattanǵandar – 39,6% (2023 jyly bul kórsetkish 40,1% bolǵan);
Baspana satyp alýǵa múldem múmkindigi joq ekenin aıtqandar – 20,5%;
Jaýap berýge qınalǵandar – 14,9%.
Memlekettik qoldaý týraly pikirler:
Saýalnamada turǵyndardyń memlekettik qoldaý sharalaryna degen kózqarasy da zertteldi. Nátıjelerge sáıkes:
Memlekettik qoldaýǵa tolyq qanaǵattanǵandar – 24,5%;
Jartylaı qanaǵattanǵandar – 36,5%;
Qanaǵattanbaǵandar – 24,9%;
Jaýap berýge qınalǵandar – 14,1%.
Sarapshylardyń pikirinshe, memleket tarapynan baspana máselesin sheshý úshin qabyldanyp jatqan sharalarǵa qaramastan, turǵyndardyń tolyq qanaǵattanýy úshin áli de keshendi sheshimder qajet. Qazaqstan azamattarynyń kópshiligi úshin turǵyn úı máselesi ózekti bolyp qalýda.