Premer-mınıstr Oljas Bektenov Qazaqstanda qosylǵan qun salyǵynyń (QQS) mólsherlemesin arttyrý qajet ekenin málimdedi. Bul qadam salyq júıesin reformalaý aıasynda talqylanatyn negizgi sharalardyń biri bolmaq.
Vıse-premer Serik Jumanǵarınniń aıtýynsha, QQS boıynsha tirkeý shegin tómendetý de josparlanyp otyr. Qazirgi shek 78 mln teńge bolsa, ony 15 mln teńgege deıin azaıtý usynylýda.
– «Qazirgi ýaqytta 2,3 mıllıon bıznes sýbektisiniń tek 6%-y, ıaǵnı 137,7 myńy ǵana QQS tóleýshi bolyp tabylady. Al is júzinde QQS tóleýshiler sany nebári 88 myń. Munyń bir sebebi – QQS boıynsha tirkeý sheginiń joǵary bolýy», – dedi Jumanǵarın.
Salyq júıesin reformalaý jáne QQS mólsherlemesin arttyrý máselesi aldaǵy ýaqytta Parlamentte jáne sarapshylar arasynda talqylanatyn bolady. Bul ózgerister shaǵyn jáne orta bızneske áser etýi múmkin, sondyqtan úkimet barlyq taraptardyń pikirin eskerýdi kózdep otyr.