Jergilikti polısıa qyzmetiniń bólimsheleri birqatar uıymdastyrýshylyq-tájirıbelik sharalardy qabyldady.
Almaty polısıasy qoǵamda, qoǵamdyq tártipke qaýip tóndiretin quqyq buzýshylyqtarǵa múldem tózbeýshilikti qalyptastyrý boıynsha jumys júrgizýde, dep habarlaıdy aqshamnews.kz Polisia.kz-ke silteme jasap.
«Nóldik tózimdilik – usaq buzaqylyq, tynyshtyqty buzý jáne basqa da usaq quqyq buzýshylyqtarǵa teris reaksıa. Árbir azamat adamdardyń quqyǵyn qurmettep, qoǵamdyq tynyshtyqty buzbaı, óz mádenıetin kórsetýi kerek. Búgingi kúni kóshedegi qylmystardyń aldyn alýdyń basty tutqasy – ákimshilik quqyq buzýshylyqtardyń der kezinde jolyn kesý, sondaı-aq olardyń jasalýyna múldem tózbeýshilik tanytý. Sonymen qatar usaq quqyq buzýshylyqtardyń aldyn alýda qaladaǵy zańdylyq pen tártiptiń jaı-kúıine beı-jaı qaramaıtyn azamattyq qoǵamdastyqqa erekshe ról berilgenin aıta ketken jón», - dedi Almaty qalalyq PD jergilikti polısıa qyzmeti basqarmasy bastyǵynyń orynbasary Aıtan Eleýsizov.
Spıker, stýdent jastar arasynda múldem tózbeýshilikti qalyptastyrý jumystary júrgizilip jatqanyn da atap ótti. Almatydaǵy jıyrma bir joǵary oqý ornynda stýdenttik quqyq qorǵaý jasaqtary quryldy. Anyqtama úshin: - usaq buzaqylyq – 10 myń 415 derek; - abattandyrý erejelerin buzý – 23 myń 021 derek; - tynyshtyqty buzý – 8 myń 909 derek; - kóshede alkogóldik ishimdikterdi ishý jáne qoǵamdyq oryndarǵa mas kúıde kelý – 15 myń 525 derek; - qoǵamdyq oryndarda temeki shegý, onyń ishinde kalán shegý – 6 myń 579 derek jáne t.b.