Qujatta endi azamattyń jynysy men azamattyǵyn jazý josparlanyp otyr.
İshki ister mınıstrligi qazaqstandyqtardyń jeke kýáligine ózgertýler engizýdi kózdep otyr. Bul týraly Ashyq NQA portalyndaǵy qujat jobasynan belgili boldy, dep habarlaıdy almaty-akshamy.kz.
Atap aıtqanda, jeke kýálikte endi onyń ıesiniń jynysy men azamattyǵy týraly málimet beriledi.
"Jeke basty kýálandyratyn qujattar týraly" QR Zańynyń 7-babynyń 1-tarmaǵynyń 3-tarmaqshasyna sáıkes jeke basty kýálandyratyn qujattarda azamattyń jynysy týraly málimetter bolady. QR azamatynyń jeke kýáliginiń aǵymdaǵy nusqasynda azamattyń jynysy týraly aqparat qujattyń chıpinde jáne onyń mashınadaoqylatyn aımaǵynda kodtalǵan túrde qamtylady. Osyǵan baılanysty, kórneki aımaqta jynysy týraly aqparatty kórsetý usynylady", – delingen İshki ister mınıstrliginiń túsindirme jazbasynda.
Jańa jobany jarıa talqylaý merzimi – 21 mamyrǵa deıin.