Almatyda polıseıler sheteldik stýdenttermen kezdesti.
Kezdesýdiń negizgi maqsaty – sheteldik stýdentterdi Qazaqstan Respýblıkasynyń zańnamasyn buzbaýǵa shaqyrý, dep habarlaıdy Almaty-akshamy.kz Polisia.kz-ke silteme jasap.
«Búginde Almatyda stýdentter qaýymy kóp jáne 180 myń adamdy quraıdy. Olar 36 joǵary oqý ornynda bilim alyp jatyr. 900 stýdent – sheteldikter. Stýdent jastar kez kelgen qoǵamnyń eń ozyq jáne uıymdasqan bóligi sanalady. Jeke tártipti saqtap, oqýǵa kelgen eldiń zańyn buzbaý kerektigin eskertemin. Stýdentterdiń quqyq buzýshylyq jasaýynyń negizgi sebepteri – qoldanystaǵy zańnama negizderin bilmeýi, quqyqtyq mádenıettiń tómen deńgeıi, áleýmettik jáne turmystyq máseleler, qoǵamdyq paıdaly eńbekpen aınalyspaý jáne bos ýaqytty jetkiliksiz uıymdastyrý», – dedi Bostandyq aýdandyq polısıa basqarmasynyń bastyǵy Dıdar Ahanov.
Spıkerdiń aıtýynsha, oqý jylynyń basynan beri Almatyda sheteldik stýdentter 6 qylmys jasaǵan. Osyndaı kezdesýler Almatynyń Almaly, Bostandyq jáne Medeý aýdandaryndaǵy joǵary oqý oryndarynda bir ýaqytta ótti.
«Biz sheteldik stýdentter men elimizdiń qonaqtaryna Qazaqstan Respýblıkasynyń zańnamasy men tártibin saqtaýǵa, elde bolǵan kezde ultaralyq jáne rýaralyq alaýyzdyqty umytýǵa shaqyramyz. Óıtkeni, sizderdiń elde turýlaryńyzdyń basty basymdyǵy – oqý, bilim alý», – dedi Ahanov.