Turǵyndardyń basym bóligi Almatyǵa kóshken
2022 jyldyń alǵashqy úsh aıynda 76,9 myńnan astam adam Qazaqstannyń bir óńirinen ekinshisine kóshti. Bul 2021 jyldyń sáıkes kezeńimen salystyrǵanda 8,9%-ǵa az, dep habarlaıdy Almaty-akshamy.kz Azattyq Rýhy agenttigine silteme jasap.
LS saıtynyń málimetinshe, turǵyndardyń basym bóligi Almatyǵa – 16,9 myń (-0,3%), onyń ishinde Almaty oblysynan – 8372 myń, Jambyl oblysynan – 1731, Túrkistan oblysynan – 1279, Nur-Sultan qalasynan – 1263, SHQO – 907, Shymkent qalasynan – 692, Qyzylorda oblysynan – 610 adam kóship keldi.
Odan ári Nur-Sultan qalasyna, Aqmola oblysynan – 3551, Túrkistan oblysynan – 1671, Qaraǵandy oblysynan – 1597, SHQO-dan – 1354, Pavlodar oblysynan – 1131, Almatydan – 1063, Jambyl oblysynan – 1060 jáne basqalardan 16,6 myń adam (+1,7%) qonys aýdarǵan.
Tanymaldylyǵy boıynsha 2022 jyldyń İ toqsanynyń qorytyndysy boıynsha úshinshi baǵyt Almaty oblysy bolyp tabylady – 9044 adam (-2,6%): Almatydan – 4844, Jambyl oblysynan – 841, Túrkistan oblysynan – 799, SHQO – 652, Nur-Sultannan – 462, Shymkentten – 282.
Óz kezeginde Shymkentke basqa óńirlerden 7768 adam (-38,3%) kóship keldi, onyń 5814-i Túrkistan oblysynan, 611-i Nur-Sultannan jáne 325-i Almatydan.
Sonymen qatar, Túrkistan oblysy 2022 jyldyń alǵashqy úsh aıynda basqa óńirlerden 7135 adamdy (-8,8%) qabyldady: Shymkentten – 4240, Nur-Sultannan – 908, Almatydan – 480, Almaty oblysynan – 356.
Sondaı-aq, Aqmola oblysyna 4070 turǵyn (+1,7%) kóshken, onyń ishinde Nur- Sultannan – 2286, SQO-656 jáne Qaraǵandy oblysynan – 190 turǵyn.
Al Jambyl oblysyna 2478 adam (-17,3%) kóship keldi: Almatydan – 616, Nur-Sultannan – 517, Almaty oblysynan – 424 jáne t. b.
Qaraǵandy oblysy 1986 turǵynmen tolyqty (-2,2%): Nur-Sultannan – 663, Túrkistan oblysynan – 173, Almatydan – 154.
Basqa aımaqtarǵa keletin bolsaq, SHQO-ǵa 1658 adam (-14,5%), Qyzylorda oblysyna – 1442 (-19,7%), Mańǵystaý oblysyna – 1424 (-18,9%), Aqtóbe oblysyna – 1298, Pavlodar oblysyna – 1253 (-4,4%), Qostanaı oblysyna – 1079 (-9,3%), Atyraý oblysyna – 1072 (+4,3%), BQO-da – 903 (-0,9%) jáne SQO-da – 812 (-23,7%).