İzdeý jumysyna 86 adam, 29 tehnıka jáne 2 júzý quraly jumyldyryldy
Qaraǵandy oblysynda 21, 19 jáne 15 jastaǵy úsh jigit sýǵa batyp ketti. Qutqarýshylar eki máıitti Qýsaq ózeniniń túbinen alyp shyqty. Sýǵa batyp ketken taǵy bir jigit Keńgir sý qoımasynan tabyldy, dep habarlaıdy Almaty-akshamy.kz.
Qaraǵandy oblysy TJD-nyń málimetinshe, 14 mamyr saǵat 12:00-de dıspecher púltine Qoshqar aýylynan ońtústikke qaraı 3 shaqyrym jerde Qusaq aýyldyq okrýginde 2001 jyly týǵan jas jigit pen 2007 jyly týǵan jasóspirim joǵalyp ketkeni týraly habarlama kelip tústi.
«İzdeý jumysyna 86 adam, 29 tehnıka jáne 2 júzý quraly jumyldyryldy. Saǵat 12:35-te jergilikti turǵyndar 2001 jyly týǵan marqumnyń denesin ózennen taýyp aldy. Qaza tapqan ekinshi adamnyń máıitin qutqarýshylar 17:55-te 6 metr tereńdikten alyp shyqty. Oqıǵanyń mán-jaıy anyqtalyp jatyr», - delingen habarlamada.