Avtomobılderdiń basym bóligi Almaty oblysynda
Qazaqstanda shyǵarylǵan jyly eski avtomobılder sany basym, dep habarlaıdy Almaty-akshamy.kz Statısıka komıtetine silteme jasap.
2022 jylǵy sáýirde 83,5 myń avtokólik quraly esepke qoıyldy, bul ótken jyldyń sáıkes kezeńimen salystyrǵanda 0,4% az, onyń ishinde júk avtomobılderiniń sany 18,7%-ǵa, avtobýstardiki 29,1%-ǵa kemidi, bul rette jeńil avtomobılderdiń sany 1,5%-ǵa artty. 1 mamyrdaǵy jaǵdaı boıynsha Qazaqstanda tirkelgen avtokólik quraldarynyń sany 4 357,6 myń birlikti qurady, onyń ishinde 87,8% – jeńil avtomobılder, 10,4% – júk jáne 1,8% – avtobýstar.
«Shyǵarylǵan jyly boıynsha jeńil avtomobılder avtoparkinde 20 jyl buryn shyǵarylǵan avtomobılder sany basym – 50,3%, jasy 10-nan 20 jylǵa deıin buryn shyǵarylǵan avtokólik quraldarynyń úlesi – 21,1%, 7-10 jyl aralyǵyndaǵylar – 14,5%, 3-7 jyl bolǵandar – 6,4%, mashınalardyń tek 7,6% paıdalaný merzimi 3 jyldan kem. Shyǵarylǵan jyly 20 jyldan astam avtomobılderdiń úlesi júk kólikteri arasynda – 60,8%, avtobýstar boıynsha – 42,2% quraıdy», - delingen aqparatta.
Avtomobılderdiń basym bóligi Almaty oblysynda – 534,7 myń birlik, Almaty qalasynda – 508,7 myń birlik jáne Qaraǵandy oblysynda2) – 310 myń, Atyraý oblysynda – 116,9 myń birlik tirkelgen.
Janarmaı retinde jeńil avtokólikter negizinen benzındi paıdalanady (87,8%), kólik quraldarynyń 8% aralas otynmen3) júredi. Júk kólikteriniń 48,7%-y dızel otynymen, qalǵandary benzın (45,9%) men aralas otyn esebinen3) (2,2%) qozǵalady.