Tómen kómirtekti strategıany daıarlaý boıynsha jumys júrip jatyr
Elordada jasyl tehnologıalar men taza kómir tehnologıalaryn engizýge qatysty dóńgelek ústel otyrysy ótti, dep habarlaıdy Almaty-akshamy.kz QazAqparatqa silteme jasap.
«Halyqaralyq jasyl tehnologıa jáne ınvestısıalyq jobalar ortalyǵy» komersıalyq emes aksıonerlik qoǵamy tóraǵasynyń mindetin atqarýshy Janar Igenova álemdegi energıa tegeriminde kómirdiń generasıasy róline jaıynda toqtaldy. Sonymen qatar ol Qazaqstanda jasyl tehnologıalar baǵytynda damý úshin negiz bar ekenin, «jasyl» ekonomıkaǵa aýysý úshin tıisti saıasat júrgizilip jatqanyn atap ótti. Bul turǵyda zıandy gazdardyń qorshaǵan ortaǵa áserin tómendetý úshin josparly jumystar atqarylyp jatyr. «Qazirgi kezde tómen kómirtekti strategıany daıarlaý boıynsha jumys júrip jatyr jáne ol jyl sońyna deıin qabyldanýy kerek. Bul óz kezeginde Qazaqstanda parnık gazdarynyń taralýyn qysqartýdyń áleýetin aıqyndaıdy. Sonymen qatar, osy salada tehnologıalyq sheshimder men ınvestısıalardyń múmkindikteri qamtylady», - dedi J. Igenova.
Óz kezeginde Ǵumarbek Dáýkeev atyndaǵy Almaty energetıka jáne baılanys ýnıversıtetiniń profesory Andreı Kıbarın kómirdi paıdalanýǵa qatysty ekologıa máselelerin sheshý úshin jańa tehnologıalardy engizý kerek.
«Qazaqstanda kómir qory jetkilikti. Sondyqtan bizde taza kómir tehnologıalaryn engizý úshin ýaqytymyz bar. Bul turǵyda ǵylymı zertteýlerge mán berý kerek. Iaǵnı kómirden gaz bólý, qaıta túzilgen hımıalyq zattardy, energıa qamtıtyn ónimderdi óndirý boıynsha keń aýqymdy zetteýlerge kirisken mańyzdy», - dedi Andreı Kıbarın.
Kezdesý barysynda ókiletti organdardyń jáne kómir ónerkásibiniń ókilderi elimizde «taza» kómir generasıasyn engizý múmkindigin talqylady.