Búgingi kúnde Qazaqstanda 37 kásip boıynsha daǵdylardy rastaı alatyn 3 kásiptik biliktilikti taný ortalyǵy akkredıttelgen.
Kásiptik biliktilikti taný rásimi árbir azamat úshin eńbek naryǵynda básekege qabilettiligin arttyrý jáne jańa mansaptyq perspektıvalardy ashý úshin óziniń bilimi men daǵdylaryn resmı túrde rastaýǵa múmkindik beredi, dep habarlaıdy aqshamnews.kz Eńbek jáne halyqty áleýmettik qorǵaý mınıstrligine silteme jasap.
Biliktilikti taný kásiptik standarttar negizinde júzege asyrylady jáne úmitkerdiń belgili bir kásiptiń talaptaryna sáıkestigin baǵalaıdy.
Barlyǵy óz daǵdylaryn rastaýǵa bolatyn kásipter tizilimine ekonomıkanyń túrli salalarynan 500-den astam kásip kiredi. Bul tizimge keleshekte eńbek naryǵynyń zamanaýı talaptaryna sáıkes keletin jańa mamandyqtardy engizý josparlanýda.
Qazirgi jumys istep turǵan úsh kásiptik taný ortalyǵy týrızm jáne qonaqjaılylyq (17 kásip) pen aqparattyq tehnologıalar (20 kásip) salalaryna mamandanǵan. Azamattarǵa yńǵaıly bolý úshin barlyq qajetti rásimderdi Career Enbek sıfrlyq platformasynda onlaın ótýge bolady.
Akkredıttelgen uıymdar jelisin keńeıtý boıynsha belsendi jumys júrgizilýde. Osylaısha, akredıtteýge tıisti daıyndyq rásimderin kásiptik biliktilikti tanýdyń taǵy 20 áleýetti ortalyǵy júrgizedi.