Almaty qalasy QAJ departamentine qarasty №11 mekemesine Almaty qalalyq advokattar alqasynyń músheleri Vıtkovskaıa Svetlana Vladımırovna, Sergeeva Marına Nıkolaevna, Qalyqova Dınara Serikqyzy, Ámirjanov Arlan Maratuly, Qınaıat Erasyl Dosjanuly kelip, jazaly jasópirimderge tegin keńes berdi.
Olar Almaty qalasy advokattar alqasynyń 2007 jyldan bastap jumys istep kele jatqanyn atap ótti. Advokattyq qyzmet – advokattar jeke jáne zańdy tulǵalardyń quqyqtaryn, bostandyqtary men zańdy múddelerin qorǵaý jáne olardy iske asyrýǵa járdemdesý maqsatyn kózdeıdi.
Iá, elimizdegi advokatýra adamnyń quqyqtaryn, bostandyǵyn sot arqyly qorǵaýǵa jáne zań kómegin alýǵa memleket kepildik bergen jáne Qazaqstan Respýblıkasynyń Konstıtýsıasynda bekitilgen quqyqtaryn iske asyrýǵa járdemdesýge, sondaı-aq daýdy beıbit jolmen retteýge járdemdesýge arnalǵan.
İs-shara sońynda jazaly jasóspirimder ózderin mazalap júrgen jeke suraqtaryn advokattarǵa qoıyp, jaýaptaryn aldy.
– Almaty qalalyq advokattar alqasy músheleri jáne basqa da bala quqyqtarymen aınalysatyn maman, sarapshylar elimizdegi jalǵyz balalar kolonıasy bolǵandyqtan bizdiń mekemege osylaı jıi kelip, bas bostandyǵynan aıyrylǵan jasóspirimderdiń jaǵdaıymen tanysyp, olardyń quqyqtarynyń buzylmaýyn qadaǵalap, qajetti keńesterin berip otyrady, – deıdi №11 mekemesi SAÁPTJB bastyǵy ádilet podpolkovnıgi Alma Bázilbaeva.