Búgin Qazaqstannyń Ýkraınadaǵy elshisi Darhan Káletaev azamattarymyzdy elge jetkizý úshin qabyldanǵan sharalar jóninde esep berdi.
Aqorda baspasóz hatshysy Berik Ýálıdiń aıtýynsha, azamattarymyzdy Ýkraınadan alyp kelýge qatysty másele Prezıdent Qasym-Jomart Toqaevtyń jeke baqylaýynda, dep habarlaıdy Almaty-akshamy.kz
«Prezıdent Qasym-Jomart Toqaev Qazaqstan azamattaryn Ýkraınadan evakýasıalaýǵa qatysty jaǵdaıdy jiti qadaǵalap otyr. Búgin Qazaqstannyń Ýkraınadaǵy elshisi Darhan Káletaev Memleket basshysy Qasym-Jomart Toqaevqa azamattarymyzdy elge jetkizý úshin qabyldanǵan sharalar jóninde esep berdi. Jalpy, Memleket basshysy Syrtqy ister mınıstrliginiń, elshilikter qyzmetkerleriniń jáne Qazaqstannyń Ýkraına men Polshadaǵy qurmetti konsýldarynyń túrli qıyndyqtarǵa qaramaı, atqaryp jatqan jumystaryn oń baǵalaıdy. Qazirgi ýaqytta QR Úkimeti Katovıse (Polsha) – Atyraý – Almaty baǵyty boıynsha repatrıasıalyq reısterdi uıymdastyrý máselesin pysyqtady. Qazaqstan azamattaryn elge jetkizetin birinshi reıs búginge josparlanǵan», - dep habarlady Berik Ýálı dúısenbide.