Birinshi kezeńde sırek kezdesetin aýrýlarǵa kómek kórsetý bastaldy.
«Qazaqstan halqyna» qory tóraǵasynyń orynbasary Lázzat Shyńǵysbaeva qordyń kómek kórsetýge qansha qarjy bólgenin aıtty, dep habarlaıdy Almaty-akshamy.kz
«Birinshi kezeńde sırek kezdesetin aýrýlarǵa kómek kórsetýden bastadyq. Ondaı naýqastar buryn Qazaqstanda aqsha jınap, shetelde em alatyn. Endi sony Qazaqstanda emdeý máselesin jolǵa qoıyp jatyrmyz. Klınıka tabý kerek, dárigerler oǵan daıyn bolýy kerek, onyń hattamasyna sáıkes kelýi kerek. Jalpy, 24 bala jáne 2 eresek adamǵa 9 mıllıard teńge kóleminde kómek kórsetiledi degen sheshim qabyldandy. Kelisimshart jasalyp jatyr», - dedi tóraǵa orynbasary.
Aıtýynsha, logıstıka jaǵynan «Farmasıa» SK kómek kórsetedi. Medısınalyq preparattar tikeleı zaýyttan kelýi úshin kelisim jasalyp jatyr. Odan bólek qańtardaǵy tártipsizdikter kezinde qaıtys bolǵan azamattardyń otbasyna da kómek kórsetiledi. Alaıda oqıǵalarǵa qatysty tekserý tolyq aıaqtalǵan soń naqty qansha adamǵa kómek kórsetiletini habarlanady.
Buǵan deıin «Qazaqstan halqyn» qoǵamdyq qory jappaı tártipsizdikter kezinde qaza tapqan kúsh qurylymdary qyzmetkerleri men beıbit turǵyndardyń otbasylaryna 7 mıllıon teńgeden aýdaratynyn habarlady.
Al aýyr jaraqat alǵan áskerı qyzmetshilerge, ishki ister jáne Ulttyq qaýipsizdik organdary qyzmetkerlerine, sondaı-aq jaralanǵan balalardyń otbasyna 3 mıllıon teńgeden bólinedi.
Sondaı-aq qor tártipsizdikter kezinde kezdeısoq qaıtys bolǵan adamdardyń týystaryna kómek kórsetedi.