Álemdegi geosaıası jaǵdaıǵa baılanysty teńge aıtarlyqtaı álsiredi, bul jyljymaıtyn múlik qunyna da áser etedi.
Sol sebepti qurylys kompanıalary baspana qunyn qaıta qaraý úshin jańa turǵyn úılerdi satýdy ýaqytsha toqtatýy múmkin, dep habarlaıdy Almaty-akshamy.kz Sputnik saıtyna silteme jasap.
Qazaqstan qurylysshylary qaýymdastyǵynyń prezıdenti Vıktor Mıkrúkovtyń aıtýynsha, qurylys materıaldarynyń jartysynan kóbi - ımport. Sondyqtan ulttyq valútanyń álsireýi turǵyn úı qunyna áser etedi.
«Bul naqty emes (satylymdy toqtata turý). Kompanıalar ózderine zıan keltirmeıdi. Materıaldardyń 60%-nen astamy dollarǵa satyp alynady jáne baǵam daıyn turǵyn úı qunyna tikeleı áser etedi», - dep málimdedi Vıktor Mıkrúkov.
Munymen Qazaqstan qurylysshylar odaǵynyń tóraǵasy Talǵat Erǵalıev te kelisip otyr. Onyń aıtýynsha, jaqyn arada qurylys materıaldarynyń baǵasy ósedi. Bul baspana baǵasyna áser etedi.
Vıktor Mıkrúkov bolsa, keıbir materıaldar arzandaýy da múmkin degen oıda. Óıtkeni olar Reseıden jetkiziledi, satyp alýshy rúblmen esep aıyrysady.