Qazir mundaı elderdiń sany – 79.
Qazaqstandyqtar vızasyz bara alatyn elderdiń sany 100-ge deıin artady. Bul týraly Úkimet otyrysynda Mádenıet jáne sport mınıstriniń mindetin atqarýshy Asqat Oralov málimdedi, dep habarlaıdy Almaty-akshamy.kz informburo.kz-ke silteme jasap.
«Sheteldik týrıser úshin qolaıly klımat jasalady. Vızasyz elderdiń tizimin 100-ge deıin arttyrý (2022 jyly – 79 el) máselesi jáne jańa tikeleı reısterdi ashý pysyqtalyp jatyr», – dedi Asqat Oralov.
Sondaı-aq, mınıstrdiń mindetin atqarýshy saladaǵy ınvestısıalyq ahýaldy jaqsartýǵa baǵyttalǵan sharalar jalǵasatynyn aıtty. Atap aıtqanda, damý áleýeti barynsha joǵary týrısik destınasıalarda iri ınvestısıalyq jobalardy iske asyrý kózdelip otyr.
Sonymen qatar, mınıstrlik óńirlerdegi bızneske qoldaý kórsetetin bolady. Qabyldanǵan sharalardyń negizinde kásipkerlik belsendilik artýy tıis.
«Atalǵan sharalar jańa salalyq tujyrymdama sheńberinde iske asyrylady. Nátıjesinde ishki týrıser sany 11 mln adamǵa deıin (2022 jyly – 8,6 mln), al sheteldik týrıser sany 4 mln adamǵa deıin (2022 jyly – 928 myń) ósedi dep boljap otyrmyz», – dedi Asqat Oralov.