Bul týraly Básekelestikti qorǵaý jáne damytý agenttiginiń Ashyq NQA portalynda jarıalanǵan buıryǵynda jazylǵan, dep habarlaıdy Almaty-akshamy.kz.
Engizilgeli otyrǵan ózgeriske saı, endi myna oblystarda suıytylǵan munaı gazynyń quny ósedi:
- Almaty qalasy – 65 teńgeden 75 teńgege deıin;
- Almaty oblysy – 70 teńgeden 75 teńgege deıin. Al oblys ortalyǵynan 200 shaqyrym qashyqtyqtaǵy eldi mekenderde 75 teńgeden 80 teńgege deıin qymbattaıdy;
- Shyǵys Qazaqstan oblysy – 60 teńgeden 70 teńgege deıin. Al oblys ortalyǵynan 200 shaqyrym qashyqtyqtaǵy eldi mekenderde 65 teńgeden 75 teńgege deıin qymbattaıdy;
- Soltústik Qazaqstan oblysy - 70 teńgeden 75 teńgege deıin. Al oblys ortalyǵynan 200 shaqyrym qashyqtyqtaǵy eldi mekenderde 75 teńgeden 80 teńgege deıin qymbattaıdy;
- Abaı oblysy- 60 teńgeden 65 teńgege deıin. Al oblys ortalyǵynan 200 shaqyrym qashyqtyqtaǵy eldi mekenderde 65 teńgeden 70 teńgege deıin qymbattaıdy.
«Qazaqstandyq otyn qaýymdastyǵynyń jáne naryq sýbektileriniń kólik qyzmetterine shyǵyndardyń ulǵaıýy, suıytylǵan munaı gazyn (SMG) birqatar oblystarda ótkizý kezinde shekti baǵany kóterý qajettigi týraly (5-ten 10 teńge sheginde) ótinishin eskere otyryp, Shyǵys Qazaqstan, Abaı, Almaty, Soltústik Qazaqstan oblystary men Almaty qalasynda suıytylǵan munaı gazyn bólshek saýdada satý baǵasyn ózgertý usynylady. Bul rette, Qazaqstannyń qalǵan óńirlerinde SMG-nyń bólshek saýdada ótkizýge shekti baǵalardy ózgertý josparlanbaıdy», - dep túsindirme berilgen agenttik buıryǵyna.
Qujat 17 sáýirge deıin kópshilik talqysynda bolady.