Bul týraly Densaýlyq saqtaý mınıstri Ajar Ǵınıat Úkimet otyrysynda aıtty, dep habarlaıdy Almaty-akshamy.kz
«Aýyldyq jerde densaýlyq saqtaýdy jańǵyrtý jumystary boıynsha bekitilgen Ulttyq joba sheńberinde 655 medısınalyq-sanıtarlyq alǵashqy kómek obektisin salý, sondaı-aq jaraqtandyrý, kúrdeli jóndeý, rekonstrýksıalaý jolymen 32 kópbeıindi aýdandyq ortalyq aýrýhanany jańǵyrtý kózdeledi. Bul óz kezeginde aýyl turǵyndary úshin medısınalyq kómektiń qoljetimdiligin qamtamasyz etýge múmkindik beredi», - dedi Ajar Ǵınıat.
Mınıstrdiń aıtýynsha, medısına mamandyǵynyń bedelin arttyrý sheńberinde birqatar is-shara júzege asyrylyp jatyr. Máselen, 2023 jyldan bastap úzdiksiz ıntegrasıalanǵan medısınalyq bilim berý baǵdarlamalaryn engizý kózdelgen.
Sonymen qatar 2023 jyldan bastap rezıdentýraǵa granttardy qosymsha 70%-ǵa ulǵaıtý bastaldy. Medısınalyq joǵary oqý oryndarynda bilim alýshylardyń stıpendıasy jyl saıyn 15-20%-ǵa ulǵaıtylady. Dárigerlerdiń jalaqysyn 30%-ǵa, orta medısına qyzmetkerleriniń jalaqysyn 20%-ǵa arttyrý josparlanǵan.