Qaýly 2023 jyldyń 13 maýsymynda kúshine endi.
Úkimet Qazaqstan men Vetnam Sosıalısik Respýblıkasynyń úkimeti arasyndaǵy Ulttyq tólqujattardyń ıelerin vızalyq talaptardan bosatý týraly kelisimniń jobasyn maquldady, dep habarlaıdy Almaty-akshamy.kz
Kelisimniń mátininde bir tarap memleketiniń azamattary jaramdy merzimi keminde 6 aı bolýǵa tıis ulttyq pasporty bar azamattar Qazaqstan Respýblıkasynyń aýmaǵyna 30 kúntizbelik kúnnen aspaıtyn merzimge, 180 kúntizbelik kúnniń ár kezeńi ishinde barlyǵy 90 kúntizbelik kúnnen aspaıtyn merzimge kirýge, shyǵýǵa, tranzıtpen ótýge, ýaqytsha bolý úshin vızalyq talaptardan bosatylady dep kórsetilgen.
Eger azamattar elde atalǵan merzimnen uzaǵyraq bolýdy josparlasa, vıza alýǵa ótinish berýi kerek. Bul rette árbir tarap óz memleketiniń zańdary men erejelerine sáıkes óz aýmaǵyna kirýden bas tartý nemese bolý merzimin qysqartý quqyǵyn ózine qaldyrady.
Memleketter ulttyq qaýipsizdikti, qoǵamdyq tártipti nemese qoǵamdyq densaýlyqty saqtaý maqsatynda Kelisimdi ýaqytsha, ishinara nemese tolyǵymen toqtata alady.
Kelisimge Qazaqstan úkimeti atynan qol qoıý ókilettigi QR premer-mınıstriniń orynbasary - Syrtqy ister mınıstri Murat Nurtileýge berildi.