Dzúdodan «Qazaqstan Barysy Grand Slam» týrnıri erteń Astanada bastalady.
Oǵan 42 memleketten kelgen 300-den astam sportshy qatysady, dep habarlaıdy Almaty-akshamy.kz
Týrnır aldynda ótken baspasóz maslıhaty barysynda BAQ ókilderi Qazaqstan dzúdo federasıasynyń bas hatshysy Asqat Jitkeevten saıysqa qandaı sebeppen «Qazaqstan Barysy Grand Slam» ataýy berilgenin surady.
«Máselen, bul jarys Mońǵolıada «Grand Slam Genghis Khan» ataýymen ótedi. Sondyqtan biz Qazaqstan barysy búkil álemge tanylsyn degen maqsatpen osyndaı ataý qoıyp otyrymyz. Bul – brend. Ony álemdik deńgeıge kóterý qajet. Qansha elden sportshylar keledi. Keler jyly ótetin týrnırge odan da kóp dzúdoshy qatysady. Osy brend arqyly olar bizdiń elimizdi tanıdy», - dep jaýap berdi Asqat Jitkeev.
Aıta keteıik, ózge elderde uıymdastyrylatyn atalǵan saıys tek Grand Slam ataýymen ótedi. Bul rette elimizdegi jarysqa «Qazaqstan Barysy» ataýy qosylyp otyr.
Onyń aıtýyysha, erteń elordada bastalatyn Grand Slam týrnırinde 42 memleketten kelgen 300-den astam sportshy baq synasady. Olardyń arasynda Olımpıada oıyndarynyń júldegerleri, álem jáne Azıa chempıondary bar.