Aqparattyq komýnıkasıa salalaryndaǵy keıbir aktıvterdi memleket menshigine qaıtarý máselelerin talqylady
Álıhan Smaıylov Ekonomıkany demonopolızasıalaý jónindegi komısıanyń kezekti otyrysyn ótkizdi, dep habarlaıdy Almaty-akshamy.kz Úkimettiń resmı saıtyna silteme jasap.
Qatysýshylar kólik, munaı óńdeý jáne aqparattyq komýnıkasıa salalaryndaǵy keıbir aktıvterdi memleket menshigine qaıtarý máselelerin talqylady.
Komısıa tóraǵasy Álıhan Smaıylov ýákiletti organdarǵa qaralyp otyrǵan aktıvterge qatysty tekserý is-sharalaryn jalǵastyrýdy, sondaı-aq olardyń keıbireýlerin jeke menshikke berýdiń zańdylyǵy turǵysynan aýdıt júrgizýdi tapsyrdy.
Budan basqa, Básekelestikti qorǵaý jáne damytý agenttigi munaı óńdeý kásiporyndaryna logıstıkalyq jáne servıstik qyzmetter kórsetetin domınant kompanıalardyń tarıfterin retteý jóninde usynystar engizýi tıis.
Komısıa otyrysynyń qorytyndysy boıynsha, Álıhan Smaıylov el zańnamasyna sáıkes qajetti rásimderdi tezdetip aıaqtaýdyń mańyzdylyǵyn atap ótti.