Shıki sútke degen suranys aıtarlyqtaı tómendegen.
Ústimizdegi jyly Qazaqstanda sút baǵasy 9,5% ósken, dep habarlaıdy Almaty-akshamy.kz Energyprom.kz silteme jasap.
Aǵymdaǵy jyldyń alty aıyna jasalǵan qorytyndy boıynsha, qazaqstandyq kompanıalar memlekettegi óńdelgen suıyq sút pen kilegeı suranysyn 96,3% qamtamasyz etken.
Import úlesi 3,7% -dy nemese 11,9 myń tonnany qurady, bul ótken jylmen salystyrǵanda 5,7% -ǵa kóp. Sút eksporty 14,3% -ǵa 18,7 myń tonnaǵa deıin ósken.
Ústimizdegi jyldyń segiz aıynda súttiń baǵasy ótken jylmen salystyrǵanda 9,5% ósken. Bul - sońǵy úsh jylda baǵanyń ósken eń joǵarǵy kórsetkishi.
Pasterlengen sút Óskemen men Qaraǵandy turǵyndary úshin qymbatqa tústi. Maılylyǵy 3,2% -4% pasterlengen súttiń bir lıtri Óskemende ortasha eseppen 382 teńge, Qaraǵandyda 357 teńge boldy. Maılylyǵy 2,5% pasterlengen sút Qaraǵandy men Nur-Sultanda lıtrine 275 teńgeden, Óskemen men Semeıde-274 teńgeden satyldy.
Ortasha alǵanda, Qazaqstan Respýblıkasynda 2,5% maılylyǵy bar pasterlengen súttiń lıtri 254 teńge, maılylyǵy 3,2% -4% - 302 teńge.
Bıylǵy jyly shıki sútti tutyný kórsetkishi tómendep ketken. Máselen, 2021 jyldyń birinshi toqsanynda Qazaqstandaǵy úı sharýashylyqtary jan basyna shaqqanda 3,7 lıtr ǵana shıki sút tutynǵan. Salystyrý úshin: ótken jyldyń birinshi toqsanynda tutyný kólemi 4 lıtr, 2019 jyly - 4,6 lıtr boldy.
Qala turǵyndarymen salystyrǵanda aýyl turǵyndary sútti kóp ishedi, biraq bul tutyný kórsetkishi de eki jyldan beri tómendep keledi. Máselen, qala turǵyny jylyna 1,8 lıtr ishse, aýyl turǵyndary 6,3 lıtr sút ishetin.
Al óńdelgen suıyq sút pen kilegeı óndirisi, kerisinshe, tórt jyldan beri ósip keledi: aǵymdaǵy jyldyń qańtar-shilde aılarynda ónim 359,6 myń tonnany qurady, bul ótken jylmen salystyrǵanda 8,1% -ǵa artyq.
