Energetıka salasy jandanýda
EAEO elderi arasynda elektr energetıkasy salasy jetildiriledi, dep habarlaıdy Almaty-akshamy.kz.
Elimiz budan bylaı Armenıamen elektr energetıkasy salasynda tıimdi yntymaqtastyq ornata alady.
Parlament Senatynyń jalpy otyrysynda Eýrazıalyq ekonomıkalyq odaq týraly shartqa Armenıanyń qosylýyna baılanysty ózgerister engizý týraly hattama ratıfıkasıalandy.
Qujat taraptar arasynda qýat kózimen almasýdyń ádisnamasyn aıqyndaıdy. Iaǵnı tarıftik saıasat pen baǵany belgileý, tabıǵı monopolıalar sýbektileriniń kórsetiletin qyzmetterine qol jetkizýdi qamtamasyz etý jáne odaqqa múshe memleketterdiń energıa jelileriniń tıimdi jumys isteýine múmkindik beredi.
Sondaı-aq, búgingi tańda hattama Armenıa, Belarýs, Qyrǵyzstan jáne Reseı elderi tarapynan kelisilgen.
«Zań qabyldandy. Qurmetti áriptester, qazirgi tańda ekonomıkanyń áleýetin arttyrýda elektr energıasynyń alar orny erekshe. Osy turǵydan kelgende, bul zań uıymǵa múshe elderdiń energetıka salasyndaǵy yntymaqtastyǵyn damytýǵa oń áserin tıgizedi dep senemiz», - dedi QR Parlamenti Senatynyń tóraǵasy Máýlen Áshimbaev.