Saılaýshylar tizimine engizý úshin elshiliktiń saıtynda ornalastyrylǵan arnaıy nysandy toltyrý shart.
Qazaqstandyqtar Reseıdiń bes qalasynda respýblıka prezıdentin saılaýda daýys bere alady, dep habarlaıdy Almaty-akshamy.kz Máskeýdegi elshiliktiń baspasóz qyzmetine silteme jasap.
«18 jasqa tolǵan Qazaqstan Respýblıkasynyń azamattary 265 saılaý ýchaskesi jumys isteıtin Reseıdegi Qazaqstan elshiliginde daýys berýge qatysa alady», - delingen elshilik taratqan habarlamada.
Sondaı-aq Qazaqstan azamattaryna respýblıkanyń Sankt- Peterbýrg, Qazan, Astrahan jáne Omby bas konsýldyqtaryndaǵy ýchaskelerde jergilikti ýaqyt boıynsha saǵat 07.00-den 20.00-ge deıin daýys berýge bolady.
«Saılaý ýchaskesine barǵan qazaqstandyqtardyń tólqujaty nemese jeke kýáligi bolýy kerek», - dep túsindirdi elshilik.