Lıngvısıkalyq komısıanyń otyrysy ótti.
Prezıdenttikke kandıdat Nurlan Áýesbaev qazaq tilinen emtıhan tapsyrdy, dep habarlaıdy Almaty-akshamy.kz
Ortalyq saılaý komısıasynyń (OSK) baspasóz qyzmetiniń málimetinshe, búgin Qazaqstan Respýblıkasy Ortalyq saılaý komısıasynda Nurlan Satybaldyuly Áýesbaevtyń memlekettik tildi erkin meńgergendigin anyqtaý boıynsha Lıngvısıkalyq komısıanyń otyrysy ótken.
Lıngvısıkalyq komısıa kandıdattyń memlekettik tildi erkin meńgergendigin úsh baǵyt boıynsha anyqtaǵan: shyǵarma jazý, qazaq ádebıeti klasıkteriniń shyǵarmasynan úzindi oqý, kandıdattyń tańdaǵan taqyrybyna kópshilik aldynda sóz sóıleýi.
«Kandıdat «Túrkistan - er túriktiń besigi» taqyrybyna shyǵarma jazdy. Jazba jumysy mazmuny, stıli, emlesi, tynys belgileri boıynsha baǵalandy. Ekinshi tapsyrma boıynsha Júsipbek Aımaýytulynyń «Aqbilek» romanynan úzindi oqydy. Úshinshi tapsyrma boıynsha «Ana tilim - asyl qazynam» taqyrybyna oıyn aýyzsha baıandady. Emtıhan qorytyndysy boıynsha, Lıngvısıkalyq komısıa Qazaqstan Respýblıkasynyń Prezıdenttigine kandıdat memlekettik tildi erkin meńgergendigi týraly ashyq daýyspen biraýyzdan sheshim qabyldady», - delingen habarlamada.