El Prezıdentin saılaý 20 qarashaǵa josparlanǵan jáne kezekten tys bolady.
Almaty qalasy aýmaqtyq saılaý komısıasynyń tóraǵasy Janna Asanova men aýmaqtyq saılaý komısıasy tóraǵasynyń orynbasary Aıgúl Qalyqova megapolıstegi saılaý naýqany týraly egjeı-tegjeıli aıtyp berdi, dep habarlaıdy Almaty-akshamy.kz.
Esterińizge sala keteıik, qazaqstandyqtar aldaǵy 7 jylda eldi basqaratyn memleket basshysyn tańdaýy kerek.
Qazirgi ýaqytta jergilikti atqarýshy organdar saılaýshylar tizimin naqtylaý boıynsha jumys júrgizýde.
"Zańda bizde mynadaı tarmaq bar, eger azamat daýys berý kúnine keminde 30 kún qalǵanda daýys berý kúni onyń daýys berý pýnktine kele almaıtyny belgili bolsa. Ol saılaý kúni naqty bolatyn orny boıynsha saılaýshylar tizimine engizý úshin jergilikti ákimdikke ótinishpen júginýge quqyly. Turaqty tirkelgen jeri boıynsha saılaýshylar tiziminen bir mezgilde shyǵarý boıynsha", - dedi A. Qalyqova.
Saılaýshylardyń tizimderi tirkeý faktisi boıynsha, basqasha aıtqanda tirkelgen jeri boıynsha jasalady.
“Bul - daýys berý quqyǵyn júzege asyrýǵa múmkindik beretin óte mańyzdy áreketter. Sondaı-aq, saılaý ýchaskesine kelgen kezde, siz basqa jerde tirkelgendikten, tizimde bolmaı qalatyn jaǵdaılardy boldyrmaıdy”, - dep qosty J.Asanova.
Saılaý ýchaskeleriniń ózi saılaý kúnine 20 kún qalǵanda ashylady. Olardyń ornalasqan jeri BAQ-ta jarıalanady.
Jýrnalıserdiń suraqtaryna jaýap bere otyryp, spıkerler prezıdenttik saılaýdy ótkizýge 600 ýchaskelik saılaý komısıasy tartylǵanyn, 8 aýdandyq jáne 1 qalalyq komısıa jumys isteıtinin habarlady. Tartylǵan qyzmetkerler sany 5 myńnan astam adam.