Ulttyq bank qazan aıynda satylǵan altyn quımalardyń kólemin jáne ony eń kóp satyp alǵan aımaqtardyń tizimin jarıalady, dep habarlaıdy almaty-akshamy.kz.
Búginde altyn quımalar ekinshi deńgeıli bankter men banktik emes jekelegen aıyrbastaý pýnkterinde satylady. Qazan aıynda taǵy 102,3 keli bolatyn 2 881 altyn quıma satyldy.
1 465 dana (51%) altyn quımalar satylǵan aımaq retinde tizim basynda Almaty tursa, onan keıingi orynǵa Shymkent qalasy jaıǵasypty. Bul aımaqta 504 dana (17%) altyn saýdalanǵan. Al 257 dana (9%) altyn saýdalanǵan qala retinde Astana úshinshi orynǵa jaıǵasqan.
"Altyn quımalar senimdi ınvestısıa quraly bola alady. Altyn quımalar naryǵyndaǵy ótimdiliktiń basty kepili – bank pen banktik emes aıyrbastaý pýnkteri altyn quımalardyń qunyn sol mezette óteı otyryp klıentten keri satyp ala alady. Osy ýaqytqa deıin jalpy salmaǵy 686,7 keli 26 385 ólshengen quıma keri satyp alyndy. Bul – jalpy satylǵan altynnyń 18 prosenti. Keri satyp alynǵan altyn quımalardyń barlyǵy ulttyq banktiń fılıaldary arqyly halyqqa qaıta tapsyrýsyz satylady", - deıdi mamandar.
Aıta keteri, halyqqa tazartylǵan altyn quımalardy satý jáne satyp alý baǵdarlamasy 2017 jyly iske qosylǵan bolatyn. Sodan beri jalpy salmaǵy 5,0 tonna 143 745 altyn quıma satyldy.
Qazirgi kezde altyn quımalardy Halyk Bank, Eýrazıalyq Bank, Jusan Bank, SentrKredıt Banki, sondaı-aq banktik emes jekelegen aıyrbastaý pýnkterinen satyp alýǵa bolady.
Altyn quımalar bes túrli salmaqta usynylady. Olar - 5, 10, 20, 50 jáne 100g. Qazaqstandyqtar 10 gramdyq altyn quıma jıi alady.