Qytaıda mıkoplazmalyq pnevmonıa ınfeksıasy sıaqty respıratorlyq aýrýlar taralyp jatyr.
Qytaılyq aqparat quraldarynyń habarlaýynsha, kóptegen aýrýhana naýqasqa toly jáne olardyń kópshiligi – kishkentaı balalar. Áleýmettik jelide taraǵan beınejazbalardan dárigerge kórinip, dári-dármek alý úshin kezek kútip otyrǵan ata-analar men balalardy kórýge bolady, dep habarlaıdy Almaty-akshamy.kz
Sońǵy eki aıdaǵy esep boıynsha, Qytaıdyń ońtústigindegi Chjeszán provınsıasynda mıkoplazmalyq pnevmonıa ınfeksıasyn juqtyrǵan balalar sany ótken jyldyń sáıkes kezeńimen salystyrǵanda 17,8 ese ósken. Al Qytaı astanasy Beıjińde bir aýrýhana kúnine 7 myńnan astam naýqasty qabyldaǵan.
Dúnıejúzilik densaýlyq saqtaý uıymy Qytaıǵa respıratorlyq aýrýlar men balalardaǵy pnevmonıanyń órshýi týraly tolyq aqparat alý úshin resmı suraý jiberdi.
Dúnıejúzilik densaýlyq saqtaý uıymy Qytaı bıligi respıratorlyq aýrýlardyń kóbeıýin COVID-19 shekteýleriniń joıylýymen jáne belgili patogenderdiń aınalymymen baılanystyrady dep málimdedi.