Bul týraly Syrtqy ister mınıstrligi túsinikteme berdi.
Syrtqy ister mınıstrliginiń resmı ókili Aıbek Smadıarov ótken jyldyń maýsym aıynan 2023 jyldyń qańtaryna deıin, Qazaqstan Respýblıkasynyń Taılandtaǵy Elshiligi Qazaqstan Respýblıkasynyń 14 azamatyna kómek kórsetkenin aıtty, dep habarlaıdy Almaty-akshamy.kz
Bul azamattar úsh memlekettiń shekarasyndaǵy «Altyn úshburysh» ıaǵnı Taıland, Mánma jáne Laos memleketterinde bolǵan.
«Bul jigitterdiń aıtýynsha, olar bolǵan kompanıada basqa qazaqtar joq. Biraq "altyn úshburysh" atalyp ketken elderde bolýy múmkin», - dedi ol.
Onyń aıtýynsha, adamdardy quldyqqa tartý sqemasy óte qarapaıym: shetelde iri ınvestısıa nemese basqa kompanıada joǵary aqy tólenetin jumysqa jarnama ornalastyrylady. Bul rette jalaqy 2 myńnan 3 myń dollarǵa deıin ýáde etiledi.
«Árıne, til bilý kerek, bir qyzyǵy, shetelde bilim alǵan joǵary bilimi bar azamat qaıda baratynyn túsinýi kerek edi. Mundaıda bul jigitter (quldyqtan qutqarylǵan eki jigit – red.) qytaı tilin biledi, bir kezderi Qytaıda oqyp, BAÁ-ne baryp, osy kompanıany sol jerden taýyp alady. Olarǵa qytaılyq kompanıaǵa jumysqa ornalasýǵa ýáde bergen, biraq keńse Taılandta ornalasqan dep aıtqan. Jumys berýshiler qos azamattyń reısi men qonaqúıin, tipti basqa da shyǵyndaryn tólegen. Taılandqa kelgennen keıin olardy kólikke salyp, Mánmaǵa alyp ketken. Nátıjesinde alaıaqtyq qurbandary bolyp shyqty - kelgennen keıin bul iri kompanıa emes, maınıngpen, krıptovalútamen aınalysatyn qarapaıym kompanıa bolyp shyqqan», dedi Aıbek Smadıarov.