Qazaqstanda sý tarıfi qymbattaýy múmkin.
Atalǵan másele boıynsha Ekologıa mınıstrligi quzyrly organdarǵa usynys ázirlep jatyr. Bul týraly QR Ekologıa jáne tabıǵı resýrstar mınıstrligi cý resýrstary komıteti tóraǵasynyń mindetin atqarýshy Dosbol Bekmaǵambetov málim etti, dep habarlaıdy Almaty-akshamy.kz QazAqparatqa silteme jasap.
«Búginde respýblıkaǵa qarasty 3440 sý arnasy júıeleri bar. Sharýalarǵa sý sol júıeler arqyly jetkiziledi. Sý arnasy júıeleri kezinde komýnaldyq menshikte bolyp, kóbi qazirgi sý tarıfine kirmegen. Iaǵnı qazirgi tarıf boıynsha olardy kútip ustaýǵa qarjy qarastyrylmaǵan. Osy oraıda bıyl biz memlekettik quzyrly organdarǵa óz usynysymyzdy joldaımyz. Kelesi jyly ádiletti sý tarıfi bekitiledi dep oılaımyz»,- dedi Dosbol Bekmaǵambetov «Qazgıdromet» mekemesinde ótken baspasóz máslıhatynda.
Mınıstrlik ókiliniń málimdeýinshe, sý qoımalaryn kútip ustaý - úlken másele.
Sondaı-aq, spıker sý salasy mamandarynyń jalaqysy máselesin kóterdi.
«Sý salasy qyzmetkerleri - elimizdegi eń tómen jalaqy alatyndardyń biri. Sondyqtan da problemany tarıf arqyly sheshpesek, basqa joly joq. Memleketten qarjy almaımyz, qansha kólemde sý jetkizemiz, sony aqysyn sharýalardan jınap alamyz»,- deıdi ol.
Dosbol Bekmaǵambetovtiń dáıeginshe, búginde sý salasy mamandarynyń ortasha jalaqysy 90 myń teńgeden aspaıdy.