Búgin Qazaqstanǵa ákelingen sheteldik avtokólikterdi zańdastyrý bastaldy.
Almatyda sheteldik kólikterdi zańdastyrý jumystary qalaı júretini týraly «Azamattarǵa arnalǵan úkimet» memlekettik korporasıasy Almaty qalasy fılıalynda málim etti, dep habarlaıdy Almaty-akshamy.kz QazAqparatqa silteme jasap.
Vedomstvonyń málimetinshe, Almatyda búgin saǵat 12.00-ge deıin sheteldik kólikterdi zańdastyrýǵa – EÚP (elektrondy úkimet portaly) arqyly 84 adam júgindi, qabyldanǵan qujattar sany 59, 12 ótinim İİM-niń óńdeý satysynda, qalǵan 37 ótinim maquldaý satysynda.
«Zańdastyrý boıynsha ótinimdi e-gov.kz elektrondy úkimet portaly nemese ekinshi deńgeıli bankterdiń qosymshalary arqyly berýge bolady. Al úıden ótinim berý múmkindigi joqtar kez-kelgen HQO-nyń ózine ózi qyzmet kórsetý sektorlary arqyly berýge bolady. Ózimen birge jeke kýáligi, kólik quralynyń pasporty nemese tirkeý týraly kýálik, kólik quralyna menshik quqyǵyn rastaıtyn qujat bolýy tıis. Ótinimde avtokóliktiń tirkeý derekteri qatesiz toltyrylýy qajet», - deıdi «Azamattarǵa arnalǵan úkimet» memlekettik korporasıasy Almaty qalasy fılıalynyń PR-menedjeri Jańyl Ápetova.
Ótinimdi İshki ister mınıstrligi qaraıdy. Nátıjesi arnaıy bazaǵa tirkeledi jáne kólik ıesiniń telefonyna 1414 nómirinen habarlama jiberiledi.
«Kólik ıeleriniń ótinishine bas tartý kelip jatsa, MHQO-ǵa barýdyń qajeti joq, sebebin bilý úshin tikeleı memlekettik organǵa habarlasýy kerek. Al ótinishi qabyldanǵan bolsa, avtokólikti tekserý úshin MHQO-ǵa onlaın kezekke turý qajet. Ol úshin mártebe paraǵynda «kezekke turý» batyrmasyn basyp, Almaty qalasyndaǵy 4 MHQO-nyń birin tańdap, sonyńda kúni men ýaqytyn belgileý kerek. Belgilengen ýaqyttan 20 mınýt buryn avtokólikti MHO-nyn tekserý pýnktine nómirlik agregattardy salystyrý úshin ákelý qajet. Talondy tekserý pýnktinde nemese «HQO» mobıldi qosymshasy arqyly alýǵa bolady. Avtokólikti tirkeý úshin MHO-ǵa baryp, kólikke menshik quqyǵyn rastaıtyn qujattyń túpnusqasyn jáne kóliktiń sheteldik tehnıkalyk pasporttyn tapsyrý kajet. Aldyn ala onlaın kezekke turmaǵan jaǵdaıda, azamattarǵa qyzmet kórsetilmeıdi», - dedi Jańyl Ápetova.
Sheteldik kólikterdi zańdastyrý sharalaryn Almaty qalasyndaǵy kelesi MHQO-lar júzege asyrady:
№1 mamandandyrylǵan HQO - .Saıaly sh / a, Aqqaınar kóshesi, 1
№2 mamandandyrylǵan HQO - Maılın kóshesi, 85
№5 mamandandyrylǵan HQO - Qulja dańǵyly, 9K
№ 6 mamandandyrylǵan HQO – Kemel sh / a., Aqsýat kóshesi, 118.
Eske salaıyq, búgin Almatylyq 39 jastaǵy Seıilbek Oljabekov búgin 2019 jyly Armenıadan ákelingen avtokóligin tirkedi.
Foto: «Azamattarǵa arnalǵan úkimet» memlekettik korporasıasy Almaty qalasy fılıaly baspasóz qyzmeti