Eki eldiń ókilderi EPS júıesi aıasyndaǵy yntymaqtastyqtyń keleshegin talqylady.
Qazaqstandyqtar Ońtústik Koreıada zańdy jumysqa ornalasý quqyǵyna ıe bolady, dep habarlaıdy Almaty-akshamy.kz
Qazaqstan Respýblıkasy Eńbek jáne halyqty áleýmettik qorǵaý mınıstrliginiń jáne Koreıa Respýblıkasy Eńbek jáne jumyspen qamtý mınıstrliginiń ókilderi onlaın-formatta kelissózder júrgizdi.
Kezdesýge Kóshi-qon komıtetiniń tóraǵasy Asqarbek Ersaev, Halyqaralyq yntymaqtastyq jáne ıntegrasıa departamentiniń dırektory Saadat Asanseıitova jáne Koreıa Respýblıkasy Eńbek jáne jumyspen qamtý mınıstrliginiń sheteldik jumys eńbegi jónindegi basqarmasy dırektorynyń orynbasary Múng Sýng Hon qatysty.
Onlaın-kelissózder barysynda Qazaqstandy Ońtústik Koreıanyń Employment permit System (EPS) júıesine qosý máselesi talqylandy.
«Bul qazaqstandyqtarǵa Ońtústik Koreıada zańdy túrde jumysqa ornalasýǵa, sondaı-aq olarǵa teń eńbek jaǵdaılary men quqyqtardy qorǵaýdy qamtamasyz etýge múmkindik beredi», - delingen habarlamada.
Asqarbek Ersaev kezdesýge qatysýshylardy EPS júıesi sheńberinde koreıalyq daıyndyq ortalyǵyn ashý boıynsha júrgizilip jatqan jumystar týraly habardar etti.
Qazaqstanda EPS ortalyǵyn ashý múmkindigin talqylaı otyryp, taraptar jemisti jáne syndarly ózara is-qımylǵa, sondaı-aq eńbek kóshi-qony sheńberinde ekijaqty yntymaqtastyqty keńeıtýge daıyn ekenin bildirdi.