Saýd Arabıasyna jumys sapary barysynda Qazaqstan Respýblıkasynyń Ónerkásip jáne qurylys mınıstri Qanat Sharlapaev Al Masane al Kobra Mining Company (AMAK) Bas dırektory Muhammed Aballalamen ekijaqty kezdesý ótkizdi.
Saýd Arabıasynyń jetekshi jeke taý-ken kompanıasy AMAK ókilderimen kezdesý eki el arasyndaǵy yntymaqtastyqtyń jańa kókjıegin ashady, dep habarlaıdy Almaty-akshamy.kz QR Ónerkásip jáne qurylys mınıstrligine silteme jasap.
Óz damýynyń jańa kezeńindegi Qazaqstan qatty paıdaly qazbalar boıynsha jer qoınaýyn paıdalaný salasyn belsendi damytýda. El tartymdy ınvestısıalyq ahýaldy jáne bıznesti qoldaýdyń ashyq júıesin usynady, bul ony álemdik arenada mańyzdy seriktes etedi. Qazaqstanda jer qoınaýyn paıdalanýdy damytý týraly usynys el resýrstarynyń baılyǵymen jáne "AMAK" tobynyń mys pen myryshty óndirýge jáne barlaýǵa qyzyǵýshylyǵymen erekshelenedi. Mınıstr men bas dırektor taý-ken óndirý salasyn damytý jáne Qazaqstan men Saýd Arabıasy arasyndaǵy ózara tıimdi baılanystardy nyǵaıtý perspektıvalaryn atap ótip, odan ári jemisti yntymaqtastyqqa daıyn ekendikterin rastady.
Budan ári sapar aıasynda Qanat Sharlapaev "Ajlan & Bros Holding Group Abilitii" holdıńtik tobynyń dırektorlar keńesiniń tóraǵasy Adjlan bın Abdýlazız ál-Adjlanmen kezdesti. Talqylaý Qazaqstan men Saýd Arabıasy arasyndaǵy, atap aıtqanda jer qoınaýyn paıdalaný salasyndaǵy birlesken jumystyń mańyzdylyǵyna baǵyttalǵan. Taraptar jergilikti delegasıanyń elimizdiń áleýetine múddeliligin jáne uzaq merzimdi yntymaqtastyqqa daıyndyǵyn rastaı otyryp, ózara tıimdi áriptestikti damytý múmkindikteri týraly pikir almasty.
Ónerkásip jáne qurylys mınıstriniń kelesi kezdesýinde altyndy óndirý jáne qaıta óńdeý salasyndaǵy jetekshi kompanıa "Saudi Gold Refinery" bas dırektory – Sýlıman Ál-Oteımmen birlesken bastamalardy damytý múmkindikteri talqylandy. Eki tarap Qazaqstan men Saýd Arabıasy arasyndaǵy áriptestikti nyǵaıtýǵa baǵyttalǵan dıalogty jalǵastyrýǵa jáne bolashaqta birlesken jobalardyń múmkindikterin zertteýge nıetti ekendikterin bildirdi
Mınıstrdiń kezekti ekijaqty kezdesýinde Qazaqstanda qubyr óndirisin oqshaýlaý boıynsha AHQ Group Overview ókilderimen yntymaqtastyq perspektıvalary talqylandy. Basty nazar eldegi ónerkásipti damytýdyń mańyzdylyǵyna aýdaryldy.AHQ Group Overview-Saýd Arabıasynyń munaı-gaz jáne munaı-gaz hımıasy ónerkásibinde, sondaı-aq qubyrlardyń korozıasyn baqylaý, bolat qubyrlaryn óndirý, sýdy hımıalyq óńdeý, shegeler jáne myryshtalǵan sym óndirisi, sondaı-aq ónerkásiptik jáne medısınalyq gaz segmentteri jáne azyq-túlikti úlken kólemde oraý qyzmetteri salasynda mamandanǵan iri kompanıalar toby. Búgingi tańda bul qyzmet baǵyttary toptyń jalpy bıznes qurylymynda mańyzdy ról atqarady.
Ótkizilgen kezdesýler men Qazaqstannyń Saýd Arabıasymen ózara is-qımylynyń jańa kókjıekteri ınvestısıalaýǵa, ekonomıkalyq baılanystardy nyǵaıtýǵa jáne ozyq tehnologıalarmen almasýǵa yqpal ete otyryp, eki el arasyndaǵy strategıalyq qatynastardyń mańyzdylyǵyn atap kórsetedi.