Bıyl elimizdiń bastaýysh medısınalyq uıymdarynda 90 mln-nan astam qaralýshy tirkelgen, bul ótken jylǵy júginý sanynan 10%-ǵa joǵary.
Bıylǵy jyly skrınıngtik tekserýlermen 2,8 mln. eresek adam, onyń ishinde 1,1 mln.aýyl turǵyny qamtyldy. Bul rette patologıalar 388 myń adamda anyqtaldy, zerttelip-qaralǵan 220 myń azamat dıspanserlik esepke alyndy. Qashyqtyqtan medısınalyq qyzmet kórsetý úrdisi kúsheıip, olardyń sany 6,7 esege artyp, 688 myń qyzmetke jetti, dep habarlaıdy Almaty-akshamy.kz Densaýlyq saqtaý mınıstrligine silteme jasap.
Ambýlatorıalyq deńgeıde pasıentter 324 mln konsýltasıalyq-dıagnostıkalyq qyzmet nemese 1 turǵynǵa shaqqanda 16-dan astam qyzmet aldy. Bul rette 1 mıllıonnan astam adam qymbat dıagnostıkalyq qyzmettermen (KT/MRT) qamtyldy.
Sońǵy 3 jyldyń ishinde ambýlatorıalyq dári-dármekpen qamtamasyz etýge bólingen qarajattyń kólemi 2 eseden astam ulǵaıdy, ol búginde 237 mlrd.teńgege jetti. Bul tegin medısınalyq kómektiń kepildik berilgen kólemi jáne mindetti áleýmettik medısınalyq saqtandyrý boıynsha nozologıalar sanyn 48-den 126-ǵa deıin 2,5 esege arttyrýǵa múmkindik berdi. Sondaı-aq TMKKK jáne MÁMS paketterindegi tegin dárilik preparattardyń tizbesi-272-den 347-ge deıin keńeıtildi.
Medısınalyq-sanıtarıalyq alǵashqy kómekke qol jetkizý maqsatynda elimizdiń árbir turǵyny úshin 78 MSAK obektisi salynyp, 80 bastapqy býyn obektisi jóndeldi.
Búgingi tańda medısınalyq-sanıtarıalyq alǵashqy kómek uıymdarynda 110 myńnan astam maman, onyń ishinde 34 195 dáriger jáne 75 852 orta býyn qyzmetkeri jumys isteıdi.