Ótemaqy tóleý rásimi aıaqtalyp keledi, dep habarlaıdy Almaty-akshamy.kz
«Qazaqstannyń depozıtterge kepildik berý qory 15 naýryzda bankterden salymshylardyń aqtyq tizilimin alyp, olardy operatorǵa joldady. Jaqyn kúnderi bankter tólemderdi tolyq kólemde aıaqtaıdy», - dedi QDKBQ tóraǵasynyń orynbasary Almas Qudaıbergenov.
«Problemalyq kredıtter qory» AQ men «Qazaqstannyń ornyqtylyq qory» AQ aqshalardy bankterge aýdarǵan. Aýdarylǵan qarajattardyń jalpy somasy - 306,6 mıllıard teńge. Al memleket tarapynan 10 paıyzdyq ótemaqyny alatyn salymshylar sany - 2 mıllıon 615 myń 772 adam.
Qaǵıdaǵa sáıkes, ekinshi deńgeıli bankter eki jumys kúni ishinde tıesili ótemaqyǵa ótinish bergen depozıtorlardyń shottaryna aýdarady.
Eske salaıyq, teńgelik depozıtter boıynsha 10 paıyzdyq syılyqaqy Qarjy mınıstrligi men Qazaqstannyń Ulttyq bankiniń qarajattary esebinen tólenedi. Bankter syılyqaqy tóleýge ótinishterdi bes aı boıy – 2022 jylǵy qyrkúıekten 2023 jylǵy aqpanǵa deıin qabyldady. Ótinishterdi qabyldaý bıyl 10 aqpanda aıaqtaldy.
Keıbir bankter habarlama jiberip jatyr.