Almatyda matematıkadan Azıa-Tynyq muhıty jáne «Jibek joly» halyqaralyq olımpıadalary qorytyndylandy.
Bul týraly Oqý-aǵartý mınıstrliginiń baspasóz qyzmetiniń aqparatyna júgine otyryp, Almaty-akshamy.kz habarlaıdy.
«Daryn» respýblıkalyq ǵylymı-praktıkalyq ortalyǵynyń habarlaýynsha, eki birdeı halyqaralyq bilim saıysyna Qazaqstannyń barlyq óńirinen 157 oqýshy qatysyp, 57 júldeger anyqtaldy.
«Bul halyqaralyq olımpıadalar qashyqtyqtan uıymdastyryldy. Qatysýshy elderdiń uıymdastyrý komıtetteri tapsyrmalardyń sharttaryn jáne baǵalaý krıterıılerin halyqaralyq uıymdastyrý komıtetinen alyp, óz elderinde olımpıadalardy bir ýaqytta derbes ótkizdi. Bul format kóptegen oqýshylardyń halyqaralyq jarystarǵa qatysyp, óz bilimderin synaýǵa múmkindik berip otyr», - deıdi «Daryn» RǴPO dırektorynyń orynbasary Nurlan Jumageldi.
Aıta keteıik, Azıa-Tynyq muhıty halyqaralyq olımpıadasyna Argentına, Avstralıa, Kanada, Gonkong, Indonezıa, Japonıa, Qazaqstan, Koreıa, Malaızıa, AQSH, Túrkıa, Meksıka sekildi 38 el qatyssa, «Jibek joly» olımpıadasynda Uly Jibek joly boıynda ornalasqan elderdiń daryndy oqýshylary synǵa tústi.