Qurylys kompanıasyna tekserý júrgizilip jatyr.
Almatyda turǵyn úı keshenin salýshy kópjyldyq aǵashtardy kesken, dep habarlaıdy Almaty-akshamy.kz
Almatyda turǵyn úı keshenin salý úshin qurylys salýshy ǵasyrlar boıǵy aǵashtardy kesken. Qazir ekologtar men sybaılas jemqorlyqqa qarsy qyzmet tekserý júrgizip jatyr.
"Qazaqfılm" shaǵyn aýdanynda kópqabatty úıdiń qurylysy bastaldy.
"Olar aǵashty ruqsatsyz kesken eken. Biz muny birneshe aıdan keıin anyqtadyq. Áıteýir zaqymdanǵany úshin ótemaqy retinde turǵyn úı kesheniniń aýmaǵyna aǵash ektirýge kelistik", deıdi turǵyn Elena Teslenko.
Alaıda "Almaty" telearnasynyń reportajynda aǵashtar qurylys astyna ketkeni aıtylǵan. Kýágerler jumysshylardyń sementti oqpandarǵa qalaı quıyp jatqanyn vıdeoǵa túsirip alǵan.
Óz kezeginde qurylys kompanıasynyń ókili jasyl jelek jasaý nusqasy bastapqyda usynylǵanyn aıtady.
"Oǵan turǵyn úı kesheniniń kóp turǵyny kúzde aýmaqty qoqys pen japyraq úıindisi basyp ketedi dep, shaǵymdanǵan. Sondyqtan olar buǵan qarsy", - dedi ol.
Qurylys salýshylarǵa qarsy shaǵymdar munymen bitpedi.
"Olar 12 metr emes, 22 metrlik ǵımarat salýǵa kiristi. Ózderińiz biletindeı, jel men qalanyń sanıtarlyq jaǵdaıyna baılanysty ál-Farabıden joǵaryǵa qaraı shekteý bar", - dedi Elena Teslenko.
Nátıjesinde turǵyndar sotqa júgingen. Biraq olar utyldy. Ǵımarattyń normadan joǵary qurylysyn saraptaǵanda ruqsat etilgen dep tanyldy. İske qatysqan ekologtar zań buzýshylyqtardy anyqtady.
"Bul mekenjaıǵa ótinish túsken joq. Tıisinshe, ruqsat berilmedi. Biraq ári qaraı shara qoldaný úshin Almaty qalalyq departamentine hat joldadyq. Qazir eshteńe aıta almaımyz. Biraq jasyl jelekterdiń búlinýi bar", - dedi Ekologıa jáne qorshaǵan ortany qorǵaý departamentiniń mamany Nurlan Seıitbekov.
Bul zań buzýshylyqtar saraptamamen rastalsa, qurylys salýshylar aldaǵy jarty jylda kóshet otyrǵyzý úshin ótemaqy tóleýge mindetti bolady.
"Qazir biz bul materıaldyń barlyǵyn qabyldadyq. Al tıisti ýákiletti organdar munyń barlyǵyn zańdy túrde zerttep, shara qoldanady", - dedi QR Sybaılas jemqorlyqqa qarsy is-qımyl agenttigi Qoǵamdyq keńesiniń múshesi Aınur Sábıtova.