Qazaqstan-Japonıa arasyndaǵy áýeqatynasy qashan ashylatyny aıtyldy, - dep habarlaıdy almaty-akshamy.kz.
Qazaqstandyq áýekompanıalar 2025 jyldyń birinshi jartysynda eki el arasynda tikeleı áýeqatynasyn ashý múmkindigin qarastyryp jatyr.
QR Kólik mınıstrligi Azamattyq avıasıa komıtetiniń tóraǵasy Saltanat Tompıevanyń Japonıanyń Qazaqstan Respýblıkasyndaǵy Tótenshe jáne Ókiletti Elshisi Iamada Djýn myrzamen kezdesýi ótti.
"Kezdesý barysynda taraptar Qazaqstan men Japonıa arasyndaǵy áýeqatynasyn qalpyna keltirý máselesin talqylady. Saltanat Tompıeva qazaqstandyq áýekompanıalar 2025 jyldyń birinshi jartysynda eki el arasynda tikeleı áýeqatynasyn ashý múmkindigin qarastyryp jatqanyn habarlady. Iamada myrza óz kezeginde bul máselede jan-jaqty qoldaý kórsetýge daıyn ekenin málim etti", - delingen vedomstvo taratqan aqparatta.
Kezdesý qorytyndysy boıynsha taraptar elder arasyndaǵy ekonomıkalyq, iskerlik jáne mádenı yntymaqtastyqty keńeıtý úshin áýe qatynasyn qalpyna keltirý boıynsha birlesken jumysty jalǵastyrýǵa kelisti.