Byltyrǵy kórsetkishten 14,5 paıyzǵa joǵary.
QR Ulttyq Banki jarıalaǵan málimetterge sáıkes, shilde aıynyń sońynda turǵyndar men zańdy tulǵalardyń Qazaqstannyń depozıttik uıymdardaǵy depozıtteriniń kólemi 35,7 trln teńge boldy, dep habarlaıdy Almaty-akshamy.kz
Jeke tulǵalardyń jınaqtary ósýde, al dollarlyq depozıtterdiń úlesi úsh aı qatarynan tarıhynda eń tómengi deńgeıde qalyp otyr. Zańdy tulǵalardyń salymdary da ósýde. Qarajattyń basym bóligi teńgede saqtalady, bul ótken jyldyń sońynda basqa valútalarǵa qaraǵanda tıimdirek bolyp shyqty.
Máselen, QR Ulttyq Banki jarıalaǵan málimetterge sáıkes, shilde aıynyń sońynda turǵyndar men zańdy tulǵalardyń Qazaqstannyń depozıttik uıymdardaǵy depozıtteriniń kólemi 35,7 trln teńge boldy. Bul mamyr aıymen salystyrǵanda 3,7 paıyzǵa, al 2023 jyldyń maýsym aıyndaǵy kórsetkishterden birden 14,5 paıyzǵa joǵary.
Maýsym aıynyń sońynda azamattardyń depozıtteriniń jalpy kólemi 19,9 trln teńgege jetti, bul mamyr aıynyń qorytyndysymen salystyrǵanda 3,6 paıyzǵa artyq. Dollar jınaqtaryna keletin bolsaq, olardyń depozıtterdiń jalpy kólemindegi úlesi nebári 22 paıyz – bul úshinshi aı boıy saqtalyp kele jatqan rekordtyq eń tómengi deńgeı. Bir jyl buryn (2023 jyldyń maýsymynda) bul úles 26 paıyz bolǵan.